Friday, August 01, 2008

潛意識投射: 筆跡分析學 Level 2 內容記憶心法

Hi,

這篇是專為筆跡分析學 Level 2畢業同學而寫的,作為我對你嘅持續支援啦。

下列是你在課程中學到的性格傾向的記憶心法,方便你更易記得:

慷慨:收得咁長,唔收埋,梗係慷慨啦!

奢侈:唔收埋,但又亂晒籠,當然係奢侈啦!

先動:向前仆,仲唔先動!

節奏:去完又返回個度,週而復始,呢D咪叫節奏囉!

流動:行雲流水咁寫,一定流動啦,her her聲,爽快呀!

直接:乜都唔加,自然直接啦!

意志力:又狠又長,堅呀!

熱誠:長而不強,得把口啫!

決斷:收尾話完就完,唔拖泥帶水,伸唔夠決斷呀,決絕都係咁上下咋!

寡斷:收尾收得咁弱,收唔到尾,即係拖泥帶水啦!

堅守立場:咁狠插實底線,堅守底線喎!

自尊:咁長咁高,點會無自尊呀?

自負:世上邊有咁長架,吹水啫,梗係自負啦!

沉默:合埋把口嘅!

健談:打開把口嘅!

拖延:橫劃係意志,意志墮後;點係細節,細節延後,仲唔係拖延!

思想開放:擘到咁大,梗係開放啦!(不雅左D潻!)

思想封閉:夾到實一實,當然封閉保守啦!(又不雅左D潻!)

諷刺:拮人嘅!(呢句唔係不雅架,唔好諗錯呀!我講用刀拮呀!)

怨恨:由心底(下Zone)插入人群(中Zone=社交Zone)中,呢D就叫怨恨啦!

抽象想象:咁大個頭,唔係攞來想象用來襯呀!

哲學/靈性/抽象思想:個頭又長又幼,咁肉酸,實無女/仔吼,咁多時間唯有諗埋D無謂野啦!

現實想象:下體咁大,絕對唔抽象,實實在在用得架!

多樣化:下體咁長,係會多樣化D架啦!(又來不雅!)

對批評敏感:學左咁耐,你一定知道d/t係人地點睇自己,擘到咁大,梗係成日想象人地點睇自己,梗係敏感啦!

抑壓:上左去又『禁』返佢落來,抑壓囉!

獨立思維:d/t係人地點睇自己,咁短即係唔係點理人地點睇自己,咁先至能夠獨立思維嘛!

自慚形穢:屁股咁大,無辦法唔太過怕人地點睇自己啦!

Keith
Explore, Exceed & Excel
Related Posts Plugin for WordPress, Blogger...