******* 胡言亂語開始 *******
有人問我，我既然係全能，我能不能造一塊我舉不起的石頭！
神經病，話明我係全能，有乜嘢我唔能夠造出來！
%^&*^$#&%#@ (此乃咒語 ;-))，登登登登，呢舊就係一塊我舉唔起的石頭啦！
啊，你死啦，又話自己係全能嘅，而家又整到一塊你舉唔起的石頭，既然舉不起，你又點會係全能呢？
我整到出來，首先就已經證明左我係全能先啦；而家塊石我當然係舉不起啦，不過唔緊要，&^*%$^&*$^* (當然又係咒語啦！)，而家呢塊石我舉得起啦，所以我仍然係全能嘅！
&&**%%* (這不是咒語，這是粗口！)，即係出術啫，連咒語都出埋！但求先至少有一陣間你唔係全能呀，嗰一陣間你都舉唔起塊石，即係吹水啦，都唔係全能嘅！
無D咁嘅事！我整嗰塊石的時間，同我再將佢變成舉得起的時間係重疊嘅，所以唔存在『嗰一陣間』呢回事。
你講乜X嘢呀，乜嘢重疊唔重疊呀，係咪人話嚟架？
梗係唔係人話啦，叫得全能，仲會係人咩，你有問題呀？你個世界D時間係線式進行啫，我個世界一定係跟你個世界一樣嫁咩！我個世界D時間係可以重疊架，你吹咩！你地個地星有個地方叫中國架嘛，佢地有句說話叫『夏蟲語冰』，同你講咪就係『夏蟲語冰』囉！你梗係唔明啦，仲學人用乜交叉邏輯來研究我，痴線架你！
超！咁X叻就唔好喺你個唔知乜嘢世界度造舊石頭出來，我就話你堅啦！
好呃，而家我喺你地個世界一處叫將軍澳嘅地方，%^&*^$#&%#@ (知道，又係咒語呀嘛！)，呢舊就係一塊我舉唔起的石頭！
你仲唔死，舉唔起啦嘛，唔係全能啦，收檔啦你！
造緊嗰陣係舉唔起架，不過而家舉得起啦，我改變左你地個地星嘅引力，所以輕左，咪舉得起囉！
痴線架，邊有人可以改變地球嘅引力架？
一早咪講左我唔係人囉！係你監硬要用人的邏輯來研究我之嘛！其實我都唔明架，唔信我嗰D人就話用人的邏輯來否定我啫，嗰D信我嘅人，又學人用人的邏輯來證明我的存在，證明到，我就變左係你地D地星人啦！
******* 胡言亂語完畢 *******
各位兄台大姐，懇請切勿對號入座，小弟不敢亦無能力證明什麼，只是想表達一下自己的卑微意見：不是現實世界的事物，根本無法以現實世界的方式來證明，硬用只會造成不必要爭論。
覺得啱聽的就多謝晒，覺得唔啱聽的就當看幼稚兒童小說。
再次申明：上述內容是在談論一個來自K龍星，或者是巴魯坦星的外星人與地星人的對話，所以不是指你心中所想的人物！(你又知我心中想什麼人物？我是全能嘛！死啦，抽唔到身出來，以為自己仲係巴魯坦星人！)
Keith
Explore, Exceed & Excel
