Thursday, July 12, 2012

Hypnosis: 唔識做,唔好做!

Hi,

同學來的電郵…

我响 Facebook 睇到其中一個人(以下簡稱甲)嘅情況,由於我只係打算藉住呢件事,希望大家思考一下,所以唔打算指明佢係邊位了,同時我亦想了解下大家有乜諗法。

甲: 職業 - 催眠治療師
開業時間 : 直到今日為止不夠一年
學習催眠時間 : 少於一年

Facebook上的對話轉述:

:催眠不是萬能的,
縱使病情超出我能力範圍,我也盡力以為,
因為我知道我不做,就沒有其他人可做,
可是沒想到會換來滅頂之災。

xx1:‎發生咩事?

:佢食左抗抑鬱藥6年,已經唔係催眠可以救到。
個CLIENT唔能夠即時好返,
給了練習並叫佢21/7覆診,
但佢非常心急,又唔肯跟指示去做,
每日都問我點算,問我呢日諗到咩方法幫佢,不勝其煩。
我只有講,除左叫佢做練習及21/7覆診,
我無其他野做到佢,佢反指我令佢病情惡化,
其實佢病情惡化係停藥既反應,最後佢表示要投訴我。

xx3:抑鬱症是內分泌問題,是要吃藥的。

xx1:‎應該無咩野既

:對, 食藥對身體有益

xx2:I think u have no liabilities

:我表示退錢, 終止治療. 佢都唔肯


我目前剛剛完成基本催眠治療課程(仲要作主暗示未完全合格果隻),我睇完呢段野..心情好複雜,好難過…好嬲…又有d開心。

好難過 - 我識呀甲,佢曾經响我唔開心時,關心過我,好難過佢變左『白痴』。

好嬲 - 從佢文字中,完全睇唔到佢覺得需要負責,同時,若呢件事經渲染後…好大可能令更多人對催眠呢樣野有更不良嘅回應。

開心 – 倘若佢响"催眠治療"呢個職業中滅頂,我認為係一件好事。(唔好害人丫)


記得 Keith 一直不停同我地講:唔識點做,唔好做!!!

就甲之情況,已經睇到好多錯誤。

『催眠不是萬能的』<--- 學果日就應該知呢句,我唔知甲打出黎係remind自己,"御"膊or?? (我主觀左)

『病情超出我能力範圍』<--- 點做??? 唔好做!!

『我也盡力以為』<--- 最認同,從comment中有更多info顯示係盡力『以為』! (suppose甲應該係想講盡力『而為』,anyway,我地要做嘅係『量力而為』)

『因為我知道我不做, 就沒有其他人可做<--- how??點知道『唔做就冇其他人做』??就算client睇開個醫生真係死左,都應該有其他醫生幫佢丫,而家再衰多樣『主觀』

『可是沒想到會換來滅頂之災』<--- 衰自以為是..當諗到嘅只係自己,亦自然唔可能諗到咩災同埋 client嘅利益


往後嘅comment...我冇評論補充. 但有一堆問題.. client 點解停藥?? (有助我更有效分析..同推論,但無論點,呢件事入面,甲絕對有責任!!)

點解甲唔問下client 個精神科醫生:client是否可以以催眠作『輔助治療』?

我地的確唔能夠make sure client會 follow 我地嘅『建議』,但pre-talk 做得好,至少會有幫助,而點解client 事後有咁多問題??? 會否係 pre-talk 做得唔夠??

『不勝其煩』??? 我只能對呢個來自甲嘅comment俾個 worst!!!!如果真係咁很煩,都係"甲"自找的。

希望將來打算用『催眠』去幫助人嘅每一位都記實記實...
催眠不是萬能.
唔識嘅,唔好做.
要客觀.

最重要 : first do no harm!



小弟不知上文下理,不敢評論;但能肯定贊成的是:唔識做,唔好做!

Keith
Explore, Exceed & Excel